МУСКО ӜЫТЪЁС

Уж дорысьтым укное потэ ӵапак П.И. Чайковский шоры – консерватория азьысь синпелет. Быдэс нунал ӵоже со монэ синйылтыса кадь пуке. Оло шӧдэ ас музъем вылысьтыз нылашез та быдэс дуннелы тодмо крезьгурчи. Уллане урамтӥ бертыкум – ӝутӥське Красная площадь. Собере Манеж дортӥ кожыса, Ленин нимо библиотека возтӥ мыныса, Храм Христа спасителя пала кожон дорын ини троллейбусной остановка. Азям Мусколэн самой шор интыез – Кремль. Тур-пар кошко сьӧд машинаос – министръёсын но депутатъёсын, президентэн но премьер-министрен. Собере троллейбусын ортчисько Муско шур вылтӥ Бадӟым но Пичи Из выжъёсты, али укыргес но тодмо инты Болотной площадь кыле урдэсэ. Якиманкае васькыса мынӥсько ини фитнес-клубам: занятиос бере тужгес но яратӥсько уяны бассейнын но пукыны мунчоын. Выль улӟем мугорын дыртытэк бертӥсько дорам. Бадӟым урамтӥ мыныку, ӝутиське Гагаринлы сӥзем туж ӝужыт синпелет. Отчы вуытэк, Нескучной сад вӧзын интыяськемын улон коркае. Ӵапак кыдёкын ик овол – та садын лэсьто «Что, где, когда?» передачаез. Нош дорам ини пырыса балконысь чебер суред адӟиське: МГУ но Российская Академия наук. Котькуд ӝытэ ӝуатско соос вадьсын яркыт салютъёс.

Выльысь но выльысь синмаськисько Мусколэн тылсиосызлы, осконэ уг сия: тон усьтӥд бере ӧсъёстэ мыным – ӟыгыртытэк уд ни лэзь бурд улысьтыд, эркиялод, визьнод сётод, вешаса сямен кузь тубаттӥд азьлане ӝутод.

{{ message }}

{{ 'Comments are closed.' | trans }}

2012-2015 © Copyright Kualaluly